روھڙي: ڪنڌرا ٿاڻي جي حد ڳوٺ آنبا ۾ ڪبوترن جي معمولي ڳالهھ تان جهيڙي ۾ لٺيون ۽ سروٽا لڳڻ ڪري فرمان شيخ، غلام شبير شيخ ۽ شاهنواز شيخ زخمي ٿي پيا. جڏهن ته زخمين مان 36 ورھين جو نوجوان شاھنواز شيخ زخمن جي سٽ نه سھندي فوت ٿي ويو. اطلاع تي مقتول نوجوان جي لاش کي پوسٽ مارٽم ڪرڻ لا رورل ھيلٿ سينٽر ڪنڌرا آندو ويو، جتان ضروري ڪارروائي بعد لاش وارثن حوالي ڪيو ويو. ان موقعي تي مقتول جي زال چيو ته منهنجي مڙس کي امداد شيخ ۽ امتياز شيخ وارن معمولي ڳالھه تان بيدردي سان قتل ڪيو آھي، اسان سان انصاف ڪيو وڃي. هوڏانهن ايس ايڇ او ڪنڌرا چيو ته معاملي جي گَھڻِ رُخي جاچ ڪري رهيا آھيون، جوابدر گهر خالي ڪري فرار ٿي ويا آهن.
