عمران خان جي آزادي تي احتجاج جو سڏ واپس، ڪارڪنن جو ڪيترن ئي شهرن ۾ جشن

تحريڪ انصاف عمران خان جي آزاد ٿيڻ تي احتجاج جو سڏ واپس وٺي ڪارڪنن کي جشن ملهائڻ جي هدايت ڪري ڇڏي آهي. سپريم ڪورٽ جي فيصلي کانپوءِ زمان پارڪ سميت سڄي ملڪ ۾ جشن ملهايو پيو وڃي، ان موقعي تي پي ٽي آءِ ڪارڪنن پاران مٺايون ورهايون ويون. ٻئي طرف تحريڪ انصاف عمران خان جي آزادي تي هڪ بيان جاري ڪندي چيو آهي ته پي ٽي آءِ سپريم ڪورٽ پاران عمران خان جي گرفتاري کي غير قانوني قرار ڏيڻ واري فيصلي جي آجيان ڪري ٿي.