مسلم ليگ (ن) جي قيادت سپريم ڪورٽ جي فيصلن خلاف قيادت فوري طور احتجاجي جلسن جو سڏ ڏيڻ جي هدايت ڪري ڇڏي آهي، ان حوالي سان مريم نواز کي لاهور ۾ عوامي احتجاج جو ٽاسڪ ڏنو ويو آهي. لاهور، ڪراچي، ڪوئيٽا، فيصل آباد، سرگوڌا، گوجرانوالا، قصور، ساهيوال، بهاولپور ۽ راولپنڊي ۾ به ڀرپور احتجاج ڪيو ويندو. ٻئي طرف مسلم ليگ (ن) جي سربراهه نواز شريف چيف جسٽس عمر عطا بنديال جي عمران خان بابت ريمارڪس تي ردعمل ظاهر ڪندي چيو آهي ته چيف جسٽس عمران خان کي اهو ته چيو توهان کي ڏسي خوشي ٿي، اهو به چئي ها ته توهان 60 ارب رپيا لُٽي آيا آهيو، توهان سان ملي وڏي خوشي ٿي. لنڊن ۾ صحافين جي سوالن جو جواب ڏيندي نواز شريف چيو ته گڊ لڪ وٿ يوئر 60 بلين روپيز.
