ڳاڙھو: ڳاڙهي ۾ يوسي محل جي انڊس برائٽ فيوچر اسڪول حمزو جت ۾ سالياني امتحان جا نتيجا پڌرا ڪرڻ جي سلسلي ۾ پروقار تقريب منعقد ڪئي وئي، جنهن ۾ اسڪول ڪوآرڊينيٽر اسدالله بلوچ، هيڊ ماستر نور احمد ڪلمتي بلوچ، مولوي شاهنواز جت نعيمي، مظفر علي گبول، گل حسن جانيارو ۽ جاويد علي جانيارو سميت شاگردن، والدين ۽ ڳوٺاڻن شرڪت ڪئي. سالياني امتحان ۾ پوزيشن حاصل ڪندڙ شاگردن ۾ استادن ايوارڊ ۽ سرٽيفڪيٽ ورهايا. ان موقعي تي والدين چيو ته اسان انڊس برائٽ فيوچر اسڪول جي سمورن استادن کي جس ٿا ڏيون، جيڪي هن ٻهراڙي ۾ پنهنجي محنت ۽ سچائي سان تعليم جي بهتري لا ڪوششون وٺي رهيا آهن. اسڪول ڪوآرڊينيٽر اسدالله بلوچ چيو ته تعليم سان ئي شعور ايندو آهي. هن ڳوٺاڻن کي اپيل ڪئي ته پنهنجن ٻارن کي وڌ کان وڌ اسڪول ۾ داخل ڪرايو.
