بوزدار سياست ئي ناهي ڪئي، پوءِ ڪنهن کان ڌار ٿيو؟ منظور وساڻ

ڪراچي: پاڪستان پيپلز پارٽي جي سينيئر اڳواڻ ۽ سنڌ جي زراعت بابت صلاحڪار منظور وساڻ پنجاب جي اڳوڻي وڏي وزير عثمان بوزدار جي سياست تان استعيفيٰ ڏيڻ تي ردعمل ۾ چيو آهي ته بوزدار سياست ئي ناهي ڪئي، پوءِ ڪنهن کان ڌار ٿيو آهي؟ هن چيو ته بوزدار روحاني طريقي ذريعي وڏو وزير ٿيو ۽ سياسي طريقي ذريعي هٽايو ويو، جنهن بوزدار کي عهدي تان هٽايو هو، اڄ هو اينٽي ڪرپشن اندر آهي. واضح رهي ته گذريل ڏينهن پنجاب جي اڳوڻي وڏي وزير ۽ پي ٽي آءِ اڳواڻ عثمان بوزدار سياست تان رٽائرمينٽ جو اعلان ڪيو هو.