قاهره: هن وقت مصر ۾ ڪنهن به عرب ملڪن جي ڀيٽ ۾ سڀ کان وڌيڪ صحافي قيد آهن جيڪا مصري حڪومت جي صحافين خلاف جارحاڻين پاليسين جي واضح نشاندهي ڪري ٿي. صحافين جي تحفظ لاءِ ٺاهيل Committee to Protect Journalists (سي پي آءِ) 2021ع جي حوالي سان رپورٽ جاري ڪئي آهي جنهن ۾ ٻڌايو ويو ته هن وقت مصر ۾ 25 صحافي جيلن ۾ قيد آهن جيڪي ڪنهن به عرب ملڪ ۾ موجود انگ کان وڌيڪ آهي جڏهن ته ٻين نمبر تي سعودي عرب آهي. پهرين ڊسمبر تائين عالمي انگن اکرن جو ذڪر ڪندي ڪميٽي ٻڌايو ته سڄي دنيا ۾ 293 صحافي قيد جي زندگي گھاري رهيا آهن.
