ثاقب نثار جي پٽ جي مبينا آڊيو منظر عام تي اچي وئي

اسلام آباد :سپريم ڪورٽ جي اڳوڻي چيف جسٽس ثاقب نثار جي پٽ جي مبينا آڊيو منظر عام تي اچي وئي آهي. مبينا ليڪ ٿيل آڊيو ۾ تحريڪ انصاف جون ٽڪيٽون ڪروڙين روپين ۾ وڪرو ٿيڻ واري ڳالهه ٻولهه ٻڌي سگهجي ٿي. اڳوڻي چيف جسٽس ثاقب نثار جي پٽ نجم نثار ۽ ٽڪيٽ هولڊر 137 ابوذر چڊڙ وچ ۾ ٿيل مبينا ڳالهه ٻولهه ۾ ٽڪيٽن جي ورهاست بابت ڳالهه ٻولهه ٻڌي سگهجي ٿي. واضح ڪيل آڊيو ۾ ٽڪيٽ هولڊر 137 ابوذر چڊڙ پهرين ڪال تي سلام ڪيو ۽ نجم ثاقب جي “ها” کانپوءِ ابوذر چوي ٿو ته توهان جي ڪوشش رنگ لاتو آهي.