ميھڙ جي علي شاهه ڪالوني جي رھواسي مردن عورتن ۽ ٻارڙن بشيران خاتون ڪولاچي، حاجن ڪولاچي، راشد ڪولاچي، مشتاق ڪولاچي ۽ ٻين نيشنل پريس ڪلب ميھڙ پھچي احتجاج ڪندي ٻڌايو ته 16 ورھين جو معصوم نينگر ڪامران پٽ قمرالدين ڪولاچي 3 مھينن کان گم آھي، ڳولا باوجود ڪوبه پتو پئجي ناهي سگھيو، گم ٿيل نينگر جي ڏاڏي روئيندي چيو ته اسان جي ڪنھن سان به دشمني نه آھي، ڪامران جي گمشدگي جي ڪري اسان جو جي جھري پيو آھي، ڏينھن رات پوٽي کي روئي روئي ياد ڪريان پئي. ھنن چيو ته اسان ڊي آ جي حيدرآباد، ايس ايس پي دادو ۽ وس وارن کي عرض ڪريون ٿا ته خدارا اسان جي معصوم ٻچڙي جي جلد کان جلد ڳولا ۾ اسان جي مدد ڪئي وڃي.
