شيخ ڀرڪيو ويجهو 10 گهرن کي باهه لڳي وئي، الهه تلهه سڙي رک ٿي ويو. خبر موجب شيخ ڀرڪيو ويجهو ڳوٺ کٻڙ خان لغاري جي ڪولهي پاڙي ۾ ڪکاون گهرن کي باهه لڳي وئي، جنهن جي نتيجي ۾ حڪيمون ڪولهي، ويسريو ڪولهي، وليو ڪولهي، مصري ڪولهي سميت 10 گهر سڙي رک ٿي ويا، گهرن ۾ پيل اناج، هنڌ، بسترا ۽ ٻيو سامان سڙي رک ٿي ويو. باهه متاثر ڳوٺاڻن جو چوڻ آهي ته اوچتو باهه گهرن کي وڪوڙي وئي، جنهن ۾ اسان رڳو پنهنجي جان بچائي نڪتاسين. هنن چيو ته هن وقت اسان سخت سردي ۾ کليل آسمان هيٺ ويٺل آهيون. هنن اعلى اختيارين کان مطالبو ڪيو ته اسان جي مدد ڪئي وڃي.
