پاڪستان پيپلزپارٽي منارٽي ونگ پاران پارٽي چيئرمين بلاول ڀٽو زرداري جي 33 ھين سالگرھه جي موقعي تي ابراهيم حيدري کان بلاول ھائوس تائين ريلي ڪڍي وئي، جنھن ۾ اقليتي برادري جي ماڻھن شرڪت ڪئي. رات دير سان ريلي جي پڄاڻي تي بلاول ھائوس ٻاھران سالگرھه ڪيڪ ڪٽڻ واري تقريب منعقد ڪئي وئي. جنھن ۾ اقليتن جي معاملن واري صوبائي وزير گيانچند ايسراڻي، وزير اعلى سنڌ جي خاص معاون ۽ پيپلزپارٽي سنڌ جي جنرل سيڪريٽري وقار مهدي، وزير اعلى سنڌ جي خاص معاون پونجو مل ڀيل، ايم پي اي انٿوني نويد، نائب صدر منارٽي ونگ سنڌ مکي اوڌا مل، انفارميشن سيڪريٽري منارٽي ونگ ڪراچي ڊويزن ڊاڪٽر راڪيش موتياڻي ۽ ٻيا موجود هئا.
