سنڌ

ملڪ ۾ پيٽرول جي قيمتن ۾ واڌ معاشي دهشتگردي آهي:نثار احمد کهڙو

پيپلز پارٽي سنڌ جي صدر نثار احمد کهڙي مهانگائي، بيروزگاري، پيٽرول قيمتن ۾ واڌ ۽ سنڌ جي حقن تي ڌاڙي خلاف جدوجهد جاري رکڻ جو اعلان ڪندي چيو آهي ته ملڪ ناتجربيڪار حڪمرانن جو متحمل نٿو ٿي سگهي. ملڪ ۾ پيٽروليم جي قيمتن ۾ واڌ معاشي دهشتگردي آهي. هن چيو ته حڪومت هر 15 هين ڏينهن پيٽرول جون قيمتون وڌائي رهي آهي ۽ وفاقي وزير معيشت بهتر هجڻ جون دعوائون ڪري رهيا آهن. پي ٽي آءِ سرڪار آءِ ايم ايف جي ڊڪٽيشن تي هلي رهي آهي ۽ حڪومت ڊالر 175 کان 180 روپين تائين آڻڻ لاءِ آءِ ايم ايف جو شرط تسليم ڪري چڪي آهي ۽ اسٽيٽ بئنڪ روپئي جو قدر برقرار رکڻ ۽ ڊالر جي اڏام کي ڪنٽرول ڪرڻ ۾ ناڪام وئي آهي. هن چيو ته وفاقي حڪومت چيو هو ته ايف بي آءِ جي اوڳاڙي بهتر آهي جيڪڏهن بهتر هجي ته پيٽرول قيمتن ۾ واڌ ڇو ڪئي وئي. هن چيو ته عمران خان سان جيڪو ملاقات ڪندو آهي اهو کيس ناتجربيڪار چوندو آهي جيئن جلال محمود شاهه ملاقات ڪري چيو هو.

سان لاڳاپيل آرٽيڪل

Leave a Reply

Your email address will not be published. Required fields are marked *

Back to top button