ڏھرڪي ويجھو ٻِن مختلف روڊ حادثن ۾ 7 سالن جو نينگر ۽ پرائمري استاد فوت ٿي ويا. ان ڏس ۾ ڏهرڪي ڀرسان قومي شاھراهه وٽ تاج پيٽرول پمپ تي تيز رفتار ٽرڪ جو موٽر سائيڪل سان ٽڪر ٿي پيو، جنھن جي نتيجي ۾ موٽر سائيڪل سوار پرائمري استاد عبدالرائوف ڏھر فوت ٿي ويو، جڏھن ته ٽرڪ ڊرائيور فرار ٿي ويو، جنهن کانپو اطلاع تي ڏھرڪي پوليس پھچي فوتي استاد جو لاش کڻائي سرڪاري اسپتال آندو، هوڏانهن کينجھو روڊ تي ڳوٺ قمبر چاچڙ جو رهواسي 7 سالن جو نينگر فتح محمد شر ٽريڪٽر ٽرالي ھيٺان اچي سخت زخمي ٿي پيو، جنھن کي نازڪ حالت ۾ ڏھرڪي اسپتال آندو ويو، جتي زخمن جا سور نه سھندي فوت ٿي ويو، جنهن کانپو نينگر جو لاش گهر نيو ويو ته ڪھرام مچي ويو. جڏهن ته نينگر جو لاش ڏسي سندس ما کي بيهوشي جا دورا پئجي ويا.
