جنگشاھي واسين زمين تي قبضي خلاف ٻارين ٻچين احتجاج ڪيو. ڳوٺ منگر خان پليجو جي رھواسين امجد پليجو، سرور پليجو، اُمِ عائشه، عجب خاتون، الياس پليجو، پروفيسر گلزار پليجو ۽ ٻين پريس ڪلب اڳيان احتجاجي مظاھرو ڪيو.ھنن چيو ته سرڪار پاران جوڻيجو دور ۾ ڳوٺ آباد اسڪيم تحت زمين الاٽ ٿي، جنھن جا اصل ڪاغذ موجود آھن، ڄاڻايل زمين ۾ ڪجهھ پولٽري فارم ۽ 2 ڪمرا ٺھيل آھن پر ڳوٺ جي بااثر ماڻھن رٽائرڊ ڪاموري علي محمد پليجو ۽ عبدالله پليجو ساٿين سان گڏجي زمين تي زبردستي قبضو ڪري پولٽري فارم ۽ ڪمرا ڊاھي لکين رپين جو نقصان پھچايو آھي. بااثر قبضا مافيا مان جاني ۽ مالي خطرو آھي. ھنن اختيارين کان مطالبو ڪيو ته نوٽيس وٺي زمين تان قبضو ختم ڪرائي تحفظ ڏياريو وڃي.
