![](https://s3.amazonaws.com/sindhexpress.com.pk/2021/10/Frere-Hall-Conservation-Project-e1633976307604-780x470.jpg)
آمريڪي قونصل خاني ڪراچي، ڪي ايم سي ۽ سنڌ ايڪسپلوريشن اينڊ ايڊوينچر سوسائٽي جي گڏيل تعاون سان فريئر هال جي حفاظت ۽ بحالي جي رٿا جو آغاز ڪيو ويو. آمريڪي قونصل خاني ۽ ڪراچي ميٽروپوليٽن ڪارپوريشن، سنڌ ايڪسپلوريشن اينڊ ايڊوينچر سوسائٽي (سِيز) جي گڏيل تعاون سان فريئر هال جي عوامي افتتاح جي 156هين سالگره جي موقعي تي هال جي بحالي ۽ حفاظت جي رٿا شروع ڪري ڇڏي آهي. آمريڪي قونصل خاني سيز کي آمريڪي سفير جي ثقافتي ورثي جي بحالي ۽ حفاظت واري فنڊ هيٺ گرانٽ ڏني آهي جيڪا ان رٿا کي مڪمل ڪرڻ ۾ خرچ ڪئي ويندي. آمريڪي قونصل جنرل مارڪ اسٽرو، ڪراچي جي ايڊمنسٽريٽر مرتضى وهاب، سيز جي صدر ڊاڪٽر ڪليم الله لاشاري ۽ سيڪريٽر جنرل ڊاڪٽر اسما ابراهيم ان رٿا کي باضابطا طور شروع ڪرڻ واري تقريب ۾ شرڪت ڪئي ۽ ان ڏس ۾ هڪ تختي جي رونمائي پڻ ڪئي.