تنگواڻي مان هفتو اڳ اغوا ٿيل معصوم ٻارڙو بازياب نه ٿي سگهيو

تنگواڻي جي مدرسي محلي مان هڪ هفتو اڳ هٿياربندن هٿان اغوا ڪيل ٻارڙو ٽن ورهين جو جنيد بکراڻي کي پوليس بازياب ڪرائڻ ناڪام ٿي وئي. ٻئي طرف شھرين ۽ وارثن ظھور بکراڻي، علي گوھر بکراڻي، اڪرم باجڪاڻي، محمد صلاح ملڪ ۽ ٻين دانهيندي چيو ته پوليس نينگر کي بازياب ڪرائڻ ۾ ناڪام وئي آھي. ھنن مطالبو ڪيو ته نينگر کي جلد بازياب ڪرايو وڃي ٻئي صورت ۾ سخت احتجاج ڪنداسين.