دوداپور پوليس جي ڦر ٿيل موٽرسائيڪل هٿ ڪرڻ جي دعوى

دوداپور پوليس ڪامياب ڪارروائي ڪندي ڦر ٿيل موٽرسائيڪل هٿ ڪري ورتي. ايس ايڇ او دوداپور ايس آءِ پي سجاد احمد ڀٽي عملو ساڻ ڪري گذريل رات ڪامياب ڪارروائي ڪندي شهري اسرار بروهي کان ڦر ٿيل موٽرسائيڪل جعفرآباد لاڙي ويجهو مبينا پوليس مقابلي دوران هٿ ڪئي، جوابدار اوندهه جو فائدو وٺي موٽرسائيڪل ڇڏي فرار ٿي ويا. هوڏانهن شهرين چوري ٿيل موٽرسائيڪل هٿ ڪرڻ تي ايس ايس پي جيڪب آباد ۽ دوداپور پوليس جا ٿورا مڃيا.