لاڙڪاڻي مان مان ڏيڍ مهينو اڳ مبينا کنڀي گم ڪيل ڪارن جو ڊيلر دلبر شيخ آزاد ٿي گهر پهچي ويو، جنهن پوليس ۽ بااثرن جي زيادتين خلاف ڀيڻ سان گڏجي پريس ڪلب اڳيان احتجاج ڪيو. ان موقعي تي دلبر شيخ دانهيندي چيو ته پوليس اهلڪارن راجا ماڇي، نظام ماڇي ۽ جاني ماڇي معرفت شفيع پٺاڻ ۽ حفيظ پٺاڻ وارن کان 7 گاڏيون خريد ڪيون هيون، جيڪي چوري جون نڪتيون ته مان کين واپس ڪيون، بدلي ۾ هنن هڪ ويزل گاڏي ۽ رهيل 90 لک جلد واپس ڪرڻ جو واعدو ڪيو پر پئسا ڏيڻ بدران هنن 4 ڪوڙا ڪيس داخل ڪرائي حراسان ڪيو، 27 سيپٽمبر تي لاڙڪاڻي جي مارڪيٽ پوليس ۽ ڪراچي پوليس سميت بااثر شفيع پٺاڻ، حفيظ پٺاڻ، جاني ماڇي، نظام ماڇي ۽ راجا ماڇي وارن گهران کنڀي ڏيڍ مهيني تائين قيد ڪري تشدد جو نشانو بڻايو، اڄ صبح جو اکين تي پٽيون ٻڌي ڪار ۾ کڻي ايئرپورٽ روڊ انڙ پيٽرول پمپ وٽ ڦٽو ڪيو ويو، جنهن بعد مان ٿاڻي تي پهچي پوليس کي حقيقت کان آگاهه ڪيو.
