وزيراعظم عمران خان سان سنڌ يونائيٽيڊ پارٽي جي سربراهه سيد جلال محمود شاهه گورنر هائوس ۾ ملاقات ڪئي آهي.
سيد جلال محمود شاهه جي سربراهي ۾ نائب صدر اعجاز سامٽيو، نائب صدر جڳديش آهوجا ۽ جنرل سيڪريٽري روشن علي ٻرڙو تي ٻڌل وفد وزيراعظم عمران خان سان ملاقات ڪئي.
ان موقعي تي سنڌ جو گورنر عمران اسماعيل ۽ سنڌ اسيمبلي ۾ اپوزيشن ليڊر حليم عادل شيخ پڻ موجود هئا. ملاقات ۾ گڏيل دلچسپي جي معاملن ۽ سنڌ جي سياسي صورتحال تي خيالن جي ڏي وٺ ڪئي وئي.
ان موقعي تي سنڌ يونائيٽيڊ پارٽي جي وفد وزير اعظم عمران خان کي لکت ۾ هڪ يادداشت نامو پڻ پيش ڪيو
