اسلام آباد: ناڻي واري وفاقي وزير مفتاح اسماعيل جو چوڻ آهي ته پيٽروليم شين جي اگهن ۾ تڪڙن بنيادن تي ڪا واڌ نه ٿي رهي آهي، عوام کي گاڏين جي پيٽرول ٽانڪي فل ڪرائڻ جي ضرورت ناهي، پهرين مئي تي جيڪڏهن پيٽرول جي قيمت ۾ اضافو ٿئي به ٿو ته ان جا ڪيترائي مرحلا آهن. هڪ خانگي ٽي وي جي پروگرام ۾ ڳالهائيندي ناڻي واري وفاقي وزير مفتاح اسماعيل جو چوڻ هو ته اهڙي ڪنهن قانون ۾ تبديلي نه ڪئي ويندي، جنهن سان آءِ ايم ايف سان لاڳاپا خراب ٿين. هن چيو ته اسٽيٽ بينڪ جي خودمختياري ريورس ڪرڻ جوڳو ڪو ارادو ناهي، ايندڙ سال تائين آءِ ايم ايف جو پروگرام مڪمل ٿي وڃي، پوءِ ڏسنداسين.
