اسلام آباد :)ملڪ ۾ پيٽرول ۽ ايل پي جي کانپوءِ قدرتي گيس (ايل اين جي) به مهانگي ٿي وئي. آئل اينڊ گئس ريگيوليٽري اٿارٽي (اوگرا) ايل اين جي جي قيمت وڌائڻ جو نوٽيفڪيشن جاري ڪري ڇڏيو. اوگرا نوٽيفڪيشن موجب ايل اين جي 2 ڏهائي 14 ڊالر في ايم ايم بي ٽي يو مهانگي ٿي وئي آهي. نوٽيفڪيشن ۾ چيو ويو آهي ته سوئي ناردرن سسٽم تي “ايل اين جي” جي نئين قيمت 15 ڏهائي 35 ڊالر جڏهن ته سوئي سدرن سسٽم تي ايل اين جي نئين قيمت 15 ڏهائي 9 ڊالر مقرر ڪئي وئي آهي. واضح رهي ته گذريل ڏينهن پيٽروليم شين ۽ ايل پي جي جي قيمت به وڌائي وئي هئي.
