اسلام آباد : ناڻي واري وزارت قومي اسيمبلي ۾ دعويٰ ڪئي آهي ته آئي ايم ايف وٽان رقم اچڻ کان پوءِ ڊالر جي قيمت 210 کان 190 تائين ٿي ويندي. کاڄرو تيل جي پيداوار ملڪ ۾ وڌائڻ لاءِ ڪوششون ڪري رهيا آهيون. قومي اسيمبلي جو اجلاس اسپيڪر راجا پرويز اشرف جي صدارت ۾ ٿيو. اجلاس ۾ پيپلزپارٽي اڳواڻ قادر خان مندوخيل ۽ ٻين جي ڌيان ڇڪايو نوٽيس تي ناڻي واري وزارت جي پارلياماني سيڪريٽري رانا اسحاق خان ٻڌايو ته آئي ايم ايف کان رقم ملڻ کان پوءِ ڊالر جي قيمت 210 کان 190 تائين ٿي ويندي. اسحاق خان چيو ته وڌندڙ مهانگائي جي ڪري پگهاردار ۽ غريب طبقي کي رليف ڏنو ويو آهي.
