قومي سلامتي ڪميٽي جو اجلاس طلب،ٽي ايل پي جي احتجاج بابت غور ٿيندو

وزيراعظم عمران خان ڪالعدم تنظيم جي احتجاج سبب پيدا ٿيندڙ صورتحال کي ڏسندي اڄ قومي سلامتي ڪميٽي جو اجلاس طلب ڪري ورتو. قومي سلامتي ڪميٽي جي اجلاس ۾ اعليٰ عسڪري اختياريون، انٽيليجنس سربراهه، وفاقي وزير ۽ ٻيا شريڪ ٿيندا. ان حوالي سان سڌ سماءَ بابت وفاقي وزير فواد چوڌري طرفان بيان ۾ چيو ويو آهي ته ڪالعدم جماعت جي سرگرمين سان پيدا ٿيندڙ صورتحال کي نظر ۾ رکندي وزيراعظم عمران خان اڄ قومي سلامتي ڪميٽي جو اجلاس طلب ڪيو آهي، اجلاس ۾ قومي سلامتي جي حوالي سان ٻيا معاملا به غور هيٺ ايندا.