چيلهار/ڇاڇرو: چيلهار لڳ حادثي ۾ عمرڪوٽ واسي فوت ٿي ويو، 2 ماڻهو زخمي ٿي پيا. ان سلسلي ۾ چيلهار ويجهو ويجهيار اسٽاپ وٽ ٻن تيز رفتار موٽرسائيڪلن ۾ زوردار ٽڪر ٿي پيو، جنهن سبب عمرڪوٽ جو رهواسي تعلقي اسپتال ڇاڇرو جي ڊاڪٽر دليپ ڪمار جو ڀا 18 ورهين جو سنتوس پٽ سسپال مهيشوري موقعي تي فوت ٿي ويو، حادثي ۾ 2 ڄڻا ننگرپارڪر جي ڳوٺ ڏانڀاريو واسي رحمان ولد هارون ۽ اويس ولد ارباب راهمون سخت زخمي ٿي پيا، زخمين ۽ فوتي جو لاش چيلهار اسپتال آندو ويو، جتان ضروري ڪارروائي بعد لاش عمرڪوٽ روانو ڪيو ويو، زخمين کي مٺي ريفر ڪيو ويو.
