پيرجوڳوٺ: رات دير سان پيرجوڳوٺ پوليس ۽ ڏوهارين جو هوائي باغ وٽ مبينا مقابلو ٿيو، مقابلي بعد پوليس هڪ ڏوهاري زاهد حسين ڦلپوٽو کي زخمي حالت ۾ گرفتار ڪري پير جو ڳوٺ اسپتال پهچايو، جنهن کانپو سول اسپتال خيرپور ريفر ڪيو ويو. ان سلسلي ۾ ايس ايڇ او فهيم احمد ڦلپوٽو صحافين کي ٻڌايو ته پوليس گشت ڪري رهي هئي ته واردات جي نيت سان بيٺل هٿياربندن پوليس مٿان فائرنگ ڪئي، جنهن کان پو پوليس جي جوابي فائرنگ ۾ 10 کان وڌيڪ قتل ۽ ڦر جي ڪيسن ۾ روپوش ڏوهاري زاهد حسين ڦلپوٽو کي زخمي حالت ۾ هٿيار سميت گرفتار ڪيو آهي، جيڪو ڳوٺ ڏانورو جو رهواسي آهي. پوليس زخمي حالت ۾ گرفتار ٿيل جوابدار سميت سندس ساٿين تي ڪيس داخل ڪري ڇڏيو.
