ڪراچي: پ پ (ش ڀ) جي باني شهيد مير ميرتضيٰ ڀٽو جي فرزند جونيئر ذوالفقار علي ڀٽو چيو آهي ته ملڪ ۾ هندو برادري خوف واري زندگي گذاري رهي آهي. شهيد مير مرتضيٰ ڀٽو جي فرزند ذوالفقار علي ڀٽو جونيئر سنجهوري واقعي تي پنهنجي ٽوئيٽ ۾ لکيو آهي ته اسان جي ملڪ ۾ خاص طور تي هندو ڀيل، باگڙي ۽ ڪولهي خوف ۾ زندگي گذاري رهيا آهن. هن لکيو ته سنڌ جي عورتن سان ان طرح جو ڪريل ۽ دل ڏاريندڙ سلوڪ ڪيو وڃي ٿو ته اسان انا جي پاڳل سياستدانن تي ڌيان ڇو ڏيون؟ هن چيو ته مون کي اميد آهي ته جوابدارن کي قانون جي پوري طاقت سان منهن ڏيڻو پوندو.
