سن: مانجھند تعلقي جي 7 يوسيز، 2 ٽائٔونن ۾ 73 پولنگ اسٽيشنون قائم ڪيون ويون آهن، جن مان 43 پولنگن کي انتھائي حساس قرار ڏنو ويو آهي. اڄ ٿيندڙ بلدياتي اليڪشن لا سموريون تياريون مڪمل ڪيون ويون آهن. يوسي کاڻوٺ، لاکڙا ڪول مائٔينز، آمري، لاکا، شاھه اويس، شالماڻي ۽ انڙپور سميت مانجهند ۽ سن ٽائون ڪميٽين تي اليڪشن لا سيڪيورٽي سخت ڪئي وئي آهي. ايس ايس پي سي ٽي ڊي حيدرآباد طارق، چار ڊي ايس ايس پيز ۽ مختلف انسپيڪٽرن سيمت سب انسپيڪٽر رينگ جي آفيسرن سميت ٻاھرين ضلعن جي وڏي نفري مقرر ڪئي آهي، 4 سئو کان وڌيڪ پولنگ عملو سامان کڻي پولنگن تي پهچي ويو آهي. مانجھند جي 73 پولنگن تي 32768 عورتن ۽ 37627 مردن سميت ٽوٽل 70295 ووٽر پنهنجو ووٽ ڪاسٽ ڪري اميدوارن کي چونڊيندا. ٻئي طرف قائٔم ٿيندڙ پولنگ اسٽيشن تي صحت کاتي جي عملي سميت 2 ٽائٔونن جو به وڏو عملو مقرر ڪيو ويو آهي. جڏهن ته ڪيترن ئي پولنگ اسٽيشن تي پاڻي، بجلي، ڪمبائٔونڊ وال ۽ واش روم جي سھولتن جي کوٽ ھجڻ سبب مقرر ٿيندڙ عملي کي سخت ڏکيايون ٿينديون.
