پنجاب جي نامزد 11 نگران وزيرن مان اٺن ڄڻن گورنر بليغ الرحمان کان عهدي جو حلف کڻي ورتو آهي، اڳوڻو ٽيسٽ ڪرڪيٽر وهاب رياض به نگران ڪابينا ۾ شامل آهي. رات دير سان گورنر هائوس ۾ حلف کڻندڙ وزيرن ۾ ايس ايم تنوير، ڊاڪٽر جاويد اڪرم، ابراهيم مراد، بلال افضل، ڊاڪٽر جمال ناصر، منصور قادر، سيد اظفر علي ناصر ۽ عامر مير شامل آهن. ٻن نامزد ميمبرن ۾ تمڪنت ڪريم ۽ نسيم صادق نگران وزير طور قسم کڻڻ کان انڪار ڪري ڇڏيو آهي، جنهن جو سبب سامهون نه اچي سگهيو آهي. ذريعن موجب قومي ٽيم جو فاسٽ بالر وهاب رياض پرڏيهه ۾ هجڻ ڪري حلف نه کڻي سگهيو. وهاب رياض ميڊيا سان ڳالهائيندي ان ڳالهه جي تصديق ڪئي ته هو پاڪستان واپس اچي پنجاب ۾ راندين جي صوبائي وزير طور ذميواريون سنڀاليندو.
