جھول: جھول ٿاڻي جي حد ڳوٺ مير حيدر علي ٽالپر ۾ سولر پليٽ جي بيٽري مان پورھيت سکيو ڀيل ۽ جيرو ڀيل جي گهرن کي باهه لڳي وئي، جنهن سبب گهرن ۾ پيل ڪڻڪ ۽ گھريلو سامان سڙي رک ٿي ويو، جڏهن ته باهه لڳڻ جو اطلاع فوري طور جھول ٿاڻي ۽ فائربرگيڊ عملي کي ڏنو ويو، پر فائربرگيڊ عملو وقت تي نه پھتو، جنهن سبب گهر سڙي ويا، ڀرپاسي جي ڳوٺن جي رهواسين مڙسي ڪري باهه وسائي ڇڏي. پورھيتن ٻڌايو ته باهه لڳڻ وقت اسان مزدوري لا ويل ھئاسين. گهر سڙڻ بعد متاثر کليل آسمان هيٺ ويٺل هئا، جن ضلعي انتظاميا کان گهر ڪئي ته گهر ٺهرائي ڏئي مالي مدد ڪئي وڃي.
