رمضان ۾ غريبن کي مفت اٽو شفافيت سان ڏنو آهي:مريم اورنگزيب

اسلام آباد:سڌ سماءَ واري کاتي جي وزير مريم اورنگزيب اڳوڻي وزيراعظم شاهد خاقان عباسي جي بيان تي ردعمل ڏنو آهي. هن چيو ته رمضان ۾ غريب ماڻهن کي مفت اٽو ايمانداري ۽ شفافيت سان مهيا ڪيو ويو آهي. هن وڌيڪ چيو ته وزيراعظم شهباز شريف مفت اٽي جي فراهمي جي پاڻ نگراني ڪئي ۽ شهرن جو پاڻ وڃي دورو ڪيو. سندس چوڻ هو ته تاريخي اسيڪم جي ڪاميابي ۾ انتظامي آفيسرن ۽ عملي ڏينهن رات محنت ڪئي جيڪو ساراهه جوڳو عمل آهي.