ٽنڊوالهيار ۾ ڪپڙا ڌوئڻ لا ڪئنال تي ويل نوجوان واپس نه موٽيو

ٽنڊوالهيار: ٽنڊوالهيار ۾ ڪپڙا ڌوئڻ لا ڪئنال تي ويل نوجوان واپس نه وريو، ٽوٻا گهرائي ڳولا شروع ڪرائي وئي. ٽنڊوالهيار جي اي سيڪشن ٿاڻي جي علائقي ٽنڊي سومرو روڊ جو نوجوان ميئو پٽ هيرو جنڊاوڙو گهران لوڊر رڪشا تي ڪپڙا ڌوئڻ لا نصير ڪئنال ويو، پر واپس گهر نه آيو، جنهن بعد وارثن ڳولا ڪئي ته نوجوان جا ڪپڙا ۽ لوڊر کين ڪئنال وٽان مليا، جنهن بعد پوليس کي اطلاع ڪيو ويو، اطلاع تي پوليس پهچي واقعي جا تفصيل ورتا، جنهن بعد ٽوٻا گهرائي ڪئنال ۾ نوجوان جي ڳولا شروع ڪرائي وئي.