راول ڊيم ۾ زهريلو ڪيميڪل ملائي آبي جيوت کي ماريو ويو

اسلام آباد : راول ڊيم ۾ زهريلو ڪيميڪل ملائي هزارين آبي جيوت کي ماريو ويو. زهريلي ڪيميڪل سان وڏي انگ ۾ مڇيون، آبي پکي، ڪُميون ۽ ٻيا آبي جيوت مري ويا. زهريلي ڪيميڪل ملائڻ جي الزام ۾ ٻن شڪين کي گرفتار ڪري ڪيس داخل ڪيو ويو آهي ۽ واقعي جي جاچ شروع ڪئي وئي آهي. درخواستگذار جو چوڻ آهي ته ٻنهي ڄڻن اسان جي ڪمپني کي لکين رپين جو مالي نقصان پهچايو، تنهن ڪري انهن خلاف سخت ڪارروائي عمل ۾ آندي وڃي.