پشاور: پاڪستان تحريڪ انصاف جو اڳوڻو اڳواڻ پرويز خٽڪ سياسي طور تي سرگرم ٿي ويو آهي ۽ خيبرپختونخواهه ۾ نئين پارٽي يا نئون گروپ ٺاهڻ لاءِ ڪوششون تيز ڪري ڇڏيون آهن. خابرو اداري موجب ذريعن جو چوڻ آهي ته اڳوڻي اسيمبلي ميمبرن اسلام آباد ۾ تحريڪ انصاف خيبرپختونخواهه جي اڳوڻي صدر پرويز خٽڪ سان ملاقات ڪئي آهي. ذريعن جو چوڻ آهي ته پرويز خٽڪ کي اڳ ۾ ئي 30 کان 40 ميمبرن جي حمايت حاصل آهي، وڏيون سياسي پارٽيون به پرويز خٽڪ سان رابطي ۾ آهن. ذريعن موجب خيبرپختونخواهه ۾ جلد نئين پارٽي يا نئون گروپ ٺاهڻ جو امڪان آهي.
