محرابپور: محرابپور جي بلال ڪالوني ۾ جوابدارن فائرنگ ڪري 10 ورهين جي نينگر سجاد سهتو کي قتل ڪري ڇڏيو، جڏهن ته 9 سالن جو محمد علي سھتو گوليون لڳڻ ڪري زخمي ٿي پيو، جنهن کان پو وارث مقتول نينگر جو لاش ۽ زخمي کي اسپتال منتقل ڪيو. ان حوالي سان پوليس جو چوڻ آهي ته ڪجهه ڏينهن اڳ معمولي ڳالهھ تان ٻن ڌرين ۾ جهيڙو ٿيو هو، جنهن کان پو هڪ ڌر جي هٿياربندن نينگر کي قتل ڪيو آهي، اسان واقعي جي جاچ ڪري رهيا آهيون. ٻئي طرف مقتول نينگر جو لاش پوسٽ مارٽم بعد وارثن حوالي ڪيو ويو. هوڏانهن مقتول نينگر جي وارثن جوابدارن جي گرفتاري لا احتجاج ڪيو.
