مقصودو رند: مقصودو رند ۾ علائقائي ڪرڪيٽ تنظيم جي چيئرمين حاجي راحب علي رند جي نگراني ۾ جاري پھريون حاجي مينھون خان رند ڪرڪيٽ سپر ليگ جي 9 مئچ ۾ اي سي ٽي سلطان اليون ۽ اي سي ٽي حيدري اليون جون ٽيمون آمھون سامھون ٿيون، پھريان بيٽنگ ڪندي سلطان اليون جي ٽيم اعجاز رند جي 33 رنسن جي مدد سان مقرر 10 اوورن ۾ 128 رنسن جو ٽارگيٽ ڏنو، جواب ۾ اي سي ٽي حيدري اليون جي ٽيم مقرر 10 اوورن ۾ عمران علي سروري جي 23 رنسن جي مدد سان 110 رنسون ٺاهيون. ميچ ۾ بهترين بالنگ ۽ بيٽنگ ڪرڻ تي عنايت الله رند کي چيئرمين حاجي راحب علي رند ۽ زوار ناظم حسين رند ٽرافي ۽ انعام ڏنو.
