ممبئي: واٽس ايپ اسٽيٽس لڳائڻ تي ٻن دوستن جي گهر وارن ۾ جهيڙو ٿي پيو، جنهن جي نتيجي ۾ هڪ عورت فوت ٿي وئي. اهو واقعو ڀارتي رياست مهاراشٽرا ۾ پيش آيو، جتي 20 ورهين جي شاگردياڻي پريتي پرساد پنهنجي موبائل فون تي هڪ واٽس ايپ اسٽيٽس لڳايو، جيڪو سندس 17 ورهين جي دوست کي نه وڻيو. نوجوان پنهنجي ڀاءُ، ڀيڻ ۽ ماءُ سان گڏ پريتي جي گهر پهتو، جتي ٻنهي خاندانن وچ ۾ ڳالهه ٻولهه تڪرار ڏانهن وڌڻ لڳي ۽ معاملو هٿين پوڻ تائين پهچي ويو. ان دوران پريتي جي 48 ورهين جي ماءُ کي ڌڪ لڳا، جنهن کي طبي امداد لاءِ اسپتال نيو ويو پر هوءَ سورن جي سٽ نه سهندي علاج دوران فوت ٿي وئي.
