مٽياري جي مير حسن پاڙي جي رھواسين حددخلين خلاف آپريشن جي آڙ ۾ اجھا ڊاھڻ خلاف مٽياري عوامي اتحاد اڳواڻن ڄام شوڪت ابڙو، سليم سنڌي، حاجي سارنگ منگواڻو، شڪور ناز خاصخيلي، رحمت الله ترڪ، غلامي منگواڻو، مير ميمڻ، داد خاصخيلي ۽ قاسم کوسو جي اڳواڻي ۾ پريس ڪلب آڏو احتجاجي مظاهرو ڪيو. ان موقعي تي هنن چيو ته پلاٽ پئسن تي وٺي گهر اڏيا آهن، جن کي حددخليون ڄاڻائي ڊاٺو پيو وڃي، اجها ڊاهڻ کان پو دربدر آهيون، مٽياري جو اڌ شهر قبضن تي ٺهيل آهي، پر اسان غريبن جا اجها ڊاهي ناانصافي ڪئي وئي آهي. هنن عدالت کان پنهنجي فيصلي تي نظرثاني جي اپيل ڪئي.
