وومينز انڊر-19 ورلڊڪپ، پاڪستان ٻي آزمائش ۾ ناڪام ٿي ويو

ڪراچي: آءِ سي سي وومينز انڊر-19 ورلڊڪپ ۾ پاڪستان ٻي آزمائش ۾ ناڪام ٿي ويو، انگلينڊ خلاف بيٽنگ لائن اميدن جو بار برداشت نه ڪري سگهي. وومينز انڊر-19 ورلڊڪپ ۾ انگلينڊ پاڪستان کي 53 رنسن تان شڪست ڏئي ڇڏي، فتح اليون 7 وڪيٽن جي نقصان تي 156 رنسون ٺاهيون، سيرين سميل 33 بالن تي 37 رنسون ٺاهيون، انوشا ناصر 20 رنسون ڏئي 2 وڪيٽون ورتيون. پاڪستاني ٽيم 5 وڪيٽن جي نقصان تي 103 رنسون ٺاهي سگهي، سيده عروب شاهه 36 بالن تي 34 رنسون ٺاهيون، صوفيا سميل 10 رنسون ڏئي 2 وڪيٽون حاصل ڪيون.