محفوظ ۽ خوشحال پاڪستان آمريڪي مفاد لاءِ اهم آهي: وائيٽ هائوس

واشنگٽن: وائيٽ هائوس جي ترجمان ڪيرين زان پيئر آمريڪي صدر جو بائيڊن جي پاڪستان جي ايٽمي اثاثن بابت بيان تي ردعمل جو اظهار ڪيو آهي. وائيٽ هائوس ترجمان پاڪستان بابت سوال جي جواب تي چيو ته آمريڪي صدر ڪا نئين ڳالهه ناهي ڪئي. سندس چوڻ هو ته آمريڪي صدر محفوظ ۽ خوشحال پاڪستان چاهي ٿو، محفوظ ۽ خوشحال پاڪستان آمريڪي مفاد لاءِ اهم آهي. واضح رهي ته آمريڪي صدر جوبائيڊن چيو هو ته شايد پاڪستان خطرناڪ ترين ملڪن مان هڪ آهي.