اسرائيلي صدر مارچ ۾ ترڪي جو دورو ڪندو:رجب طيب اردگان

انقرا: ترڪ صدر رجب طيب اردگان چيو آهي ته اسرائيلي صدر اسحاق هرتصوغ مارچ ۾ ترڪي جو دورو ڪندو. يوڪرين جي دوري تي روانگي کان اڳ صحافين سان ڳالهائيندي رجب طيب اردگان چيو ته اسرائيلي صدر مارچ جي وچ ۾ ترڪي جو دورو ڪندو. سندس چوڻ هو ته ترڪي ۽ اسرائيل ٻه طرفن لاڳاپن کي بهتر بڻائڻ جا خواهشمند آهن. واضح رهي ته اسرائيلي صدر ڪجهه ڏينهن اڳ گڏيل عرب امارتن جو دورو ڪيو هو، هو يو اي اي جو سرڪاري دورو ڪندڙ پهريون اسرائيلي صدر آهي.